-1حبيبتي تدرين والله انا ماعندي حركات الشبااب .. ماكلم بنات.. اصلا ماحب
هالحركات..
(( باااااااااين وانت كل بنات العالم يعرفونك ))
2- مادري حبيبتي احس اني اعرفك من زمااان
(( لا يمكن ملخبط بينها وبين وحده كنت تعرفها اول .. يمكن في شبه ))
3- حبيبتي احس انك غير عن كل البنات احس انك مختلفه وغير عنهم
((ليش فوق راسها ريشه و لا من كوكب ثاني ))
4-حبيبتي والله احس في اشياء كثيرة انا وانتي نتشابه فيهااا .. كأننا شخص
واحد
(( سبحان الله اخوها في الاسلام لازم يكون في شبه ها ها هاااي ))
5-ياليتني ياقلبي عرفتك من زمان
(( معليش كان عندك زحمه ))
6- حبيبتي انتي تامرين قلبي امر .. كل اللي تقولينه البيه
(( هيه في الاحلام اكيد ))
7- حيااتي اباج تتغطين عشان ما احد يشوفك غيري لاني اغاار
((لا يا حرااااام الغيرة حرقت قلبك ))
8- بيي اخطبك من اهلك بس بعد ما اكون نفسي
(( هيه من تكوون هع هع بس صح تكسر الخاطر فلوسك كلها على التلفون والسيارة
وعزايم ربعك و و و الخ ))
9-يا قلبي ابغى اشوفك باقرب وقت ماقدر على الشوق اللي ذبحني
((يبغى ربعة يتأكدون انها حلوة ))
10 - انا احب الشعر ومن هواياتي الرسم والسباحه
(( لا رومنسي الحبيب ))
11- حبيبتي حطي في بالك ترى انا اذا حبيت حبيت من كل قلبي
(( اقول بس اي قلب فيهم ؟!!!! ))
12- علاقتي فيك محد يدري فيها ابد لانها تعتبر من اهم خصوصياتي
(( بس عادي كل ربعــه يدرون .. لانهم مب اي احد ))
13 - احتمال اسافر سويسرا الصيف الجاي
(( أكيد ساير بانكوك ويا الشلة))
14- دايم اشتري عطوري من بارس جاليري
(( الحمدلله والشكر ))
15- لما اشوف رقمك في جوالي قلبي يفز من مكانه
(( اكييد .. خايف تكون كشفت ملاعيبك ))
16- فلان قال لي اعطيه رقمج .. بس انا قلت له اقتلني قبل ماتاخذ رقمها مني
(( هاهاااي يا مضحي انت يا شجااع .. هذا اذا مو كل الشباب يعرفون رقمها
المسكينه ))
17 - حبيبتي ابغي صورتك اخليها عندي عشان قبل ما ارقد اشوفها واحطها تحت راسي
وانام
(( لا والله عشان يوم تمل منها تهددها وتفضحها))
18- اسف حبيبتي امس ما اتصلت عليج بس كنت مشغووووول بالدراسه
(( باين يا نيوووتن انـــــــــت ))
19- تدرين حبيبتي انا دايما البنات في المول يطلبون رقمي ... بس انا ماعطيهم
وية دام انتي حبي
(( هاهاااي .. الترتيب الصحيح للجمله .. دايماا انا الحق البنات بس مايعطوني
وية ))
20- امس مارقدت... طول الوقت افكر فيك... اخذتي عقلي حبيبتي
(( الا قصدك دترق وحلمت وشبعت نووم ولا تدري عنهاااا اصلاً ))
21- انتي احلى بنت شفتها بحياتي ماظن القى احلى منك
(( ليش متعرف على ملكة جمال الكون واحنا ماندري؟؟))
وتسلمون ........... بس اخاف الشباب يزعلون من الكلام .. لا بس اللي بيزعل أكيد ينطبق الكلام علية 
الإثنين سبتمبر 20, 2010 7:46 pm